✨जय सियाराम✨

नाहिंन और कोउ सरन लायक दूजो श्रीरधुपति -सम बिपति -निवारन। काको सहज सुभाउ सेवकबस , काहि प्रनत परप्रीति अकारन।1। जन-गुन अलप गनम सुमेरू करि, अवगुन कोटि बिलोकि बिसारन। परम कृपालु , भगत -चिंतामनि , बिरद पुनीत, पतितजन-तारन।2। सुमिरत सुलभ, दास -दुख सुनि हरि चलत तुरत , पटपीत सँभार न । साखि पुरान-निगम-आगम सब, जानत द्रुपद-सुता अरू बारन।3। जाको जस गावत कबि-कोबिद, जिन्हके लोभ-मोह , मद -मार न। तुलसिदास तजि आस सकल भजु, कोसलपति मुनिबधू- उधारन।4। ✨ नाहिनै नाथ! अवलंब मोहि आनकी। करम-मन-बचन पन सत्य करूनानिधे! एक गति राम! भवदीय पदत्रानकी।1। कोह-मद-मोह -ममतायतन जानि मन, बात नहिं जाति कहि ग्यान- बिग्यानकी। काम-संकलप उर निरखि बहु बासनहिं, आस नहिं एकहू आँक निरबान की।2। बेद-बोधित करम धरम बिनु अगम अति, जदपि जिय लालसा अमरपुर जानकी। सिद्ध-सुर-मनुज दनुजादिसेवत कठिन, द्रवहिं हठजोग दिये भोग बलि प्रानकी।3। भगति दुरलभ परम , संभु -सुक-मुनि-मधुप, प्यास पदकंज-मकरंद-मधुपानकी।ं पतित-पावन सुनत नाम-बिस्त्रामकृत, भ्रमित पुनि समुझि चित ग्रंथि अभिमानकी।4। नरक -अधिकार मम घोर संसार-तम , कूपकहिं,भूप ! मोहि सक्ति आपानकी। दासतुलसी सोउ त्रास नहि गनत मन, सुमिरि गुह गीध गज ग्याति हनुमानकी।5।

Palavras-chave:

ram shri

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado