❤श्री राधा मुरलीधर❤

कहा करौं वह मूरति जिय ते न टरई। सुंदर नंद कुँवर के बिछुरे, निस दिन नींद न परई॥ बहु विधि मिलन प्रान प्यारे की, एक निमिष न बिसरई। वे गुन समुझि समुझि चित नैननि नीर निरंतर ढरई॥ कछु न सुहाय तलाबेली मनु, बिरह अनल तन जरई। 'कुंभनदास लाल गिरधन बिनु, समाधान को करई। ❤ कितै दिन ह्वै जु गए बिनु देखे। तरुन किसोर रसिक नँदनंदन, कछुक उठति मुख रेखे॥ वह सोभा वह कांति बदन की, कोटिक चंद बिसेषे। वह चितवनि वह हास मनोहर, वह नागर नट वेषे॥ स्यामसुंदर संग मिलि खेलन की, आवज जीय उपेषे। 'कुम्भनदास' लाल गिरधर बिन, जीवन जनम अलेषे॥

Palavras-chave:

Krishna radha

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado