♥मीरा के गिरधर♥

आज्यो आज्यो गोविन्दा म्हारै म्हैल, निहाराँ थारी बाटड़ली खड़ी जी, म्हारै आज्यो (टेर) तनका त्यागूँ कापड़ा जी, ऊगन्ते परभात। खड़ी जोवती राह में जी, सतगुरु पोंछे आय। पियालो लियाँ हाजिर खड़ी, जी।।1।। साधु हमारी आतमा जी, हम साधुन की देह। रोम रोम में रम रही जी, ज्यूँ बादल में मेह। सुरत हरि नाम सें लगी, जी।।2।। मीराँ हरि की लाडिली जी, तुम मीराँ के स्याम। मीराँ के प्रभु गिरधर नागर, दरसण द्यो म्हारे राम। सुरत निज नाम से लगी, जी।। ♥ बड़े घर ताली लागी रे, म्हारा मण री उणारथ भागी रे (टेर) छीलरिये म्हारो चित नहीं रे, डाबरिये कुण जाव। गंगा जमुनाँ सूँ काम नहीं रे, मैं तो जाय मिलूँ दरियाव।।1।। हाल्याँ मोल्याँ सूँ काम नहीं रे, सीख नहीं सिरदार। कामदाराँ सूँ काम नहीं रे, मैं तो जाब करूँ दरबार।।2।। काच कथीर सूँ काम नहीं रे, लोहा चढ़े सिर भार। सोना रूपा सूँ काम नहीं रे, म्हारे हीराँ रो बोपार।।3।। भाग हमारे जागियो रे, भयो समद सूँ सीर। अमृत प्याला छाँड़ि कै, कुण पीवै कड़वो नीर।।4।। पीपा कूँ प्रभु परच्यौ दीन्हौ, दिया रे खजीना भरपूर। मीराँ के प्रभु गिरधरनागर, धणी मिल्या छै हजूर।।5।।

Palavras-chave:

Krishna meerabai

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado