♥श्री मदनमोहन♥

ओळूँ थारी आवै हो महाराजा अबिनासी हे म्हाँनैं कब दरस दिखासी। (टेर) बिरह बियोगन बन बन डोलूँ, करवत ल्यूँगी कासी।।1।। निस दिन ऊभी पंथ निहारूँ, कब मोहि धीर बन्धासी।।2।। कृपा करौ म्हारै भवन पधारौ, नहिं यो जिवड़ो जासी।।3।। मैं मँदभागण काहे को सरजी, पिया मोसूँ रहत उदासी।।4।। तुम हो हमारे अन्तरजामी, मैं (थारा) चरणाँ री दासी।।5।। मीरा तो कुछ जाणत नाँहीं, पकड़ी टेक निभासी।।6।।♥ राम-रँग लाग्यो, म्हारा मन को धोखो भाग्यो जी। (टेक) पीपा (के) लागि सुदामा (के) लाग्यो, कंचन महल बणागो जी।।1।। ध्रुव के लागि प्रहलाद के लाग्यो, नरसी के कारज सार्यो जी।।2।। साँचो रँग नामदेव के लाग्यो, छिन में छाँन छवागो जी।।3।। मुलक भुखारा का बादशाह के लाग्यो, राज मुलक को त्याग्यो जी।।4।। गोपीचन्द भरथरी के लाग्यो, तन में खाक रमागो जी।।5।। साँचो रँग मीराँ के लाग्यो, ज्योति में ज्योति समागो जी।।6।।

Palavras-chave:

Krishna

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado