❤️श्री राधा कुंजबिहारी❤️

आजु बनी नव रंग किसोरी। कुँवर कंठ भुज मेलत झेलत खेलत फाग कहत हो होरी।। बाजत ताल, मृदंग झाँझ, डफ सहचरि गावति कीरति कोरी। उड़त अबीर गुलाल चहूँ दिसि, चंदन, बंदन चोवा, रोरी।। कारी अँगिया झूम्मक सारी, तन भूषित-भूषन सिर डोरी। प्रथम मंगलाचरन कियौ पिय, मंगल कलस पूजि झकझोरी।। केसरि भरिभरि पिचकारी छिरकत लूटत विधि खूटति, नहिं थोरी। साखि, जवादि, कपूर, धूरि मिलि मुदित उडावति भरि भरि झोरी।। नाहिंन कोऊ काहू सूझत चतुर सखीनु चुराई गोरी। करि हाँसी ललितादिक दासी, अँचलु गाँठि कुँवर सौं जोरी।। चाहत फिरत राधिका स्यामहि निरखि हसी सुंदरि मुख मोरी। मनभायौ फगुवा लै छाँड्यौ मोहन ठग्यौ गाँठि तव छोरी।। विहँसि मिली प्रीतम कौं प्यारी, जनु आनंद सिंधु महँ बोरी। चरननि गहि नागरिके नागर करि आलिंगन चिबुक टटोरी।। वरषत विटप पराग फूल फल मधु धारा महँ धरनि हिलोरी। पुलकि पुलकि गोपी कुल सर उमगत सरिता गति अति थोरी।। शहे विधि डोलत बसंत माधुरी सुंदर वृंदावन महँ घोरी। त्याम तुम्हारे राज लाज तजि व्यास निगमदृढ़ सीवाँ तोरी।

Palavras-chave:

Krishna radha

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado