❤️श्री राधा ब्रजचन्द्र❤️

मोहनी कहत मोहनसौं बात। कोमल मधुर मनोहर धुनि सुनि, पियके श्रवन सिरात।। सरस अधर मधु मादक वरषत, रसिक कुँवर पीवत न अघात। जनु अलि-लंपट के मुख मेलत, मकरंदहि जलजात।। दंपति की छबि निरखि दामिनी, दार्यों कुंद लजात। मनौं कोकनद माँझ किरनिका' केसर तृषित बसात।। नैननि नैन मिलत सैननि दै, मंद मंद मुसक्यात। जनु खंजन खेलत प्रतिबिंबनि, जल में चंचल गात।। रसना एक अनेक रूप गुन, बरनत कवि अकुलात। कोटिक व्यास करतहूँ बुधि बल, सरवा सिंधु न मात।।

Palavras-chave:

Krishna radha

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado