❤️श्री राधा श्यामसुन्दर❤️

नीलांबर पहिरे तनु भामिनि, जनु घन दमकति दामिनि । सेस, महेस, गनेस, सुकादिक, नारदादि की स्वामिनि ॥ ससि-मुख तिलक दियौ मृगमद को, खुभी जराइजरी है। नासा-तिल-प्रसून बेसरि-छबि, मोतिनि माँग भरी है। अति सुदेस मृदु चिकुर हरत चित, गूंथे सुमन रसालहि । कवरी अति कमनीय सुभग सिर, राजति गोरी बालहि ।। सकरी-कनक, रतन-मुक्तामय लटकन, चितहि चुरावै॥ मानौ कोटि कोटि सत मोहिनि, पाँइनि पानि लगावै । काम-कमान-समान भौह दोउ, चंचल नैन सरोज । अलि-गंजन अंजन-रेखा दै, बरषत बान मनोज ।। कंबु कंठ नाना मनि भूषन, उर मुकुता की माल । कनक किंकिनी-नूपूर-कलरव, कूजत बाल मराल ॥ चौकी-हेम, चंद्र-मनि-लागी, रतन जराइ खचाई । भुवन चतुर्दस की सुंदरता, राधे मुखहिँ रचाई ।। 'सजल-मेघ घन-स्यामल-सुंदर, बाम अंग अति सोहै। रूप अनूप मनोहर मोहै, ता उपमा कहि को है ।। सहज माधुरी अंग-अंग-प्रति, सुबस किये ब्रज-धनी । अखिल लोक-लोकेस बिलोकत, सब लोकनि के गनी ।।

Palavras-chave:

Krishna radha

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado