❤️श्री राधा वृन्दावनबिहारी❤️

झूलें दोऊ सुरंग नवल हिंडोरें । स्यामवरण तन रसिक शिरोमणि, कुंवरि वरण तन गोरे ॥ १ ॥ नीलांबर पितांबरकी छबि, घन चपलाके भोरें । हरिदासके स्वामी स्यामा कुंजबिहारी मृदु मुसकन थोरेथोरें ॥ २ ॥❤️ आज वन कुंज हिंडोरों साज्यो । उगम उगम झूलत पियप्यारी, उगम घटा घन गाज्यो ।। 1 ।। कालिंदी तट सुभग हिंडोरो, तहां व्रजराज विराज्यो । ढिंग कंचन की बेली राधिका, झूलवत सखी समाज्यो ।। 2 ।। पीतपट और पाग कसूंभी, मोरपिच्छ सिर साज्यो । चतुर्भुज प्रभु गिरिधर छबि निरखत, कोटिक मनमथ लाज्यो ।। 3 ।।

Palavras-chave:

Krishna radha

Avaliar esta fotografia:

• Criar um cartão eletrônico

Atalho para esta página:

• Denunciar conteúdo inapropriado